وحشتنى يابابا ونفسي أضمك كلمات الشاعرة المجهولة / أسيل الرووح

وحشتنى يابابا ونفسي أضمك كلمات الشاعرة المجهولة / أسيل الرووح

الكاتب : hani hani التاريخ : الخميس، 16 أبريل 2015 التعليقات : 0

وحشتنى يابابا ونفسي أضمك
وعن حاجات كتير أقولك

عن براءة بنت حلوه
بدعي ربنا يحميها

واخده منك كل حاجه
وبشوف ملامحك جوه عنيها

أيوه تشبهك كتييير
ياللي حبك ملوش بديل
أيوه سميتها ‫#‏أسيل‬
ياللي نسيانك بقي
شئ مستحيل

واخده منك الملامح
واخده طيبتك والتسامح

واخده منك كل حاجه
ولحنانك دايما محتاجه

واخده منك الإحساس
واخده حبك والإخلاص 

ببص في عنيها بشوفك
وبفتكر لهفتك وخوفك

بفتكر سنين معاك عشتاها
بفتكر فرحه معاك قلبى حسها

وحشتنى يابابا ونفسي أضمك
وعن حاجات كتير أقولك 

عن الفرحه اللي خصمتني
من بعد معيونك فرقتنى . 

عن غدر ناس وجعوني
عليهم بقول ياخساره
رسمو البراءة وظلمونى
حسبي ربي علي قلوبهم الغداره

عن زمن قتل إحساسي
وموت فرحتى فيا
عن وجعي من اقرب ناسي
دول خلوو ملامحي مطفيه 

بس الدنيا اديتني
ناس تانية كتير وفية

أصلها دنيا قلابة

يوم معانا ويوم علينا
يوم فرحه بتسعيدنا
ويوم دمعه تبكينا

يوم بيقتل فينا
ويوم تانى بيحيينا
يوم بيخفي ضحكيتنا
ويوم تانى يعيدها لينا 

بس ارجع وأقول يابابا
من بعدك مفيش ‫#‏طيابا‬

وحشتنى يابابا ونفسي اضمك
وعن حاجات كتير أقولك

مشتاقه يابابا كتيررر ليك
ووحشنى هزاري ودلعي عليك
ونظرة حنان في عنيك
وحبك وطبطبة إيديك 

وحشتنى كمان لميتنا
وقعدة سفرة جمعتنا

وحشتينى يابابا ونفسي أضمك
وعن حاجات كتير أقولك 

عن براءة بنت حلوه
بدعي ربنا يحميها

واخده منك كل حاجه
وبشوف ملامحك جوا عنيها

أيوه تشبهك كتييير
ياللي حبك ملوش بديل
أيوه سميتها (أسيل)
ياللي نسيانك بقي
شء مستحيل
ياللي نسيانك بقي
شء مستحيل 

 

إهدااء إلي من إفتقده قلبي
ودمعت من أجله عيناي 

فيسبوك توتير جوجل + لينكدان بينتريست

شاعر غنائي من مواليد محافظة دمياط مركز الزرقا _ ميت الخولى عبد الله | الهاتف الجوال : 01067437079 | 01129354643 ويعمل أيضا مطور ومصمم مواقع وإسكريبتات

الكاتب : hani hani

مواضيع مهمة أيضا