عيد ميلاد ريناد ..../كلماتي وتصويري /محمد مفتاح
عيد ميلاد ست البنات
حلوه وسكر نبات
عندي أجمل عيد ميلاد
بنتي وحبيبتي ريناد
فرحه ربي رزقني بيها
وهديه من رب العباد
كل يوم يعدي عليا
بحسها أجمل هديه
أغلى عندي من عينيا
بلقي حبي ليها زاد
فرحه ولا كانت في بالي
غيرت من الحزن حالي
جت كده من غير ميعاد
بسمه هله
وضحكه طله
حضن أحلى مافيه حقيقه
كل شئ جوايا قالي
أعشق النظره البريئه
نظره صافيه بدون ملامه
وأحلى مافيها ابتسامه
بنسي حزني لما تضحك
والدنيا من حوليا تضحك
مش كتير وياها عدي
كل اللى عدي
يادوب سنه
عشت أحلي أيام في عمري
فرحه حاضنها الهنا
كل سنه وأنتي حبيبتي
رنوده ياحبي أنا
عيد ميلادك ياحبيبتي
إن شالله عقبال
مية سنه
____________________________________________________كلمات الشاعر _محمد مفتاح
أهداء لبنوتي الغاليه ريناد
في عيد ميلادها الأول
0
التعليقات
