مطلوب زوجة بقلم الشاعر محمد عبد القادر
مطلوب زوجة............. أَحِبَّها
تكون لَِّى............. وأَكُون لَها
تِعامِلنِى بِرِقَّة ............وحِنِّيَة
وف يوم أجازتي..... أَطبُخ لَهَا
--------------------
َأرُوح الصُبح............ شُغلِي
والظُهر................. أَرجَعلَهَا
ألاقِيها ............قُدَّام المِرايَة
تَمَام ............زى ما سِبتَهَا
--------------
بس لِىَّ ........شروط مهمة
وشروطى........... لابُد مِنَّهَا
أولا ..........تكون بتِناَم كِتِير
والبيت............... ما يهِمَّهَا
---------------
نِضِيف مِكَركِب... مِش مُهِم
المُهِم .........نومها وحِلمَها
ماهِىَ .......راحِتها تِهِمّنِي
زى ما راحتِي......... تِهمَّها
---------------
إيه أَخَدنَا ..........م النَضَافَة
غير تَعَبها .............وهَمَّهَا
خَلِّيه مِكَركِب .........ويِقرِف
وكفاية ............خِفِّة دَمَّها
--------------
ثانيا...الحِنَّة شَرط جَوهَرى
ف شعرها .......وف رِجلها
وتحُط كُُحل....... ف عينيها
وتاتُّو............على ظَهرَها
---------------
وتِغرَق فى ..بارفَان إيطالي
من راسها.......... لرجلها
والروج إِسوِد......... مِهَبِب
زَى ............باقي عُمرَها
---------------
ماهي واحدة .بالشكل ده
أنا مِش مُناسب أبدا .. لَهَا
مش مُمكِن.. تِعيش معايا
وأَحسَن ........ترَّوح لأهلها
ولوشُُُفت وِِشَّها....... تانى
حتكون دى آخر .طَلقَة لها
=================
0
التعليقات
