احساسك إيه ...........كلمـــــــــــات # شريــــــــــف_شمـــــــــــــه
احساسك إيه
إحساسك ايه كده دالوقتى
اتفضل رد على سؤالى
حسيت انك ضعت الوقتى
طب جرب دوق اللى جرالى
اتفضل قول اللى فى نفسك
بس ماتصعبش عليك نفسك
ماتفكرنيش باللى جرالى
احساسك ايه كده دالوقتى
اتفضل رد على سؤالى
انا ياما زمان كنت بسامح
كنت المجروح وانت الجارح
ورمتنى زمان وقدرت امشي
والدمعة مابين جفنى ورمشي
ومغمض عيني ومابنامشى
وراجعلى بتسأل عن حالى !!!!
حسيت انك ضعت الوقتى ؟
طب جرب دوق م اللى جرالى
إتفضل سبنى فى أحزانى
مش عايز اشوف وشك تانى
ومكانك مابقاش جوايا
صدقنى تعبت بقا كفاية
ماتقولش بحبك صدقنى
مابقتش بآمن لخيالى
إحساسك إيه كدة دالوقتى
اتفضل رد على سؤالى
حسيت إنك ضعت الوقتى ؟؟
طب جرب دوق م اللى جرالى
كلماتها مفهومة لكن يظل البطل غامض كالعادة فى جميع كتاباتى
#شريف_شمه
0
التعليقات
