-برغم البعد بنواصل
وحبل الود أهو واصل
حفظنا العهد في قلوبنا
ومن كتر الحنين دوبنا
ولو فيه أيه مايفرقنا
في بحر الحب وغرقنا
الموج لو لحظه فرقنا
أكيد حبل الوداد واصل
بحبك حب له معنى
ونفسي الدنيا تسمعنا
حروفنا أتحولت مغني
وأنغامها بتجمعنا
ومهما نكون في أخر الكون
أكيد فيه شيء بيجمعنا
ونبض قلوبنا متواصل
بتقسي علينا أوجاعنا
ونار البعد توجعنا
لكن عايشين وبنواصل
علشان عاشقين بنتمني
سنين العمر نستني
نكون صابرين ونتحمل
علشان الحب هنكمل
هنمشي لأخر المشوار
ظلام الليل هيبقى نهار
ولو بينا بحور وأنهار
ولو كان صعب
حتى محال
ده عادي
مادام في بينا وصال
لأخر يوم في أيامنا
هنلقي الحب قدمنا
ولو حتى في أيه حاصل
مانفترق أبداً واصل
لفيت في الدنيا ما خليت
وشوفت كتير جمال ورئيت
لكن وصفك
أنا مالقيت
علشان زيك مافيش واصل
-----------------------------------------------------------------------------------برغم البعد
كلماتي،، ---/ محمد مفتاح
0
التعليقات
