عند طبيب الاسنان ....... بقلـــــــــــــــــــم / محمد عبد القادر

عند طبيب الاسنان ....... بقلـــــــــــــــــــم / محمد عبد القادر

الكاتب : Unknown التاريخ : الأحد، 7 يونيو 2015 التعليقات : 0

عند طبيب الاسنان

جيتلك يا عم الطبيب

لجل تداوى الالم فينا

وترجع لنا ابتسامتنا

وتسعد تانى ليالينا

وجع الضرس يااخواننا

ده شيء رهيب واليم

خصوصا لو كان مسوس

وتحته كمان جراثيم

الممرض قاللي الفيزيتا

ميتين جنيه مش اكتر

ده قبل الكشف والمعاينة 

وبعدها ربك يستر

فيه لسة اشعة ومخدر

وحشو عصب والذى منه

يعني كمان الف جنيه

معاك..ولا العلاج بلاش منه

طلبت يحجز لى ميعاد

قاللى بعد ستين يوم

عاوز تخلص وتنجز اوام

يبقى تقب بالمعلوم

نهايته دفعت اللي ف جيبي

وقلتله امتى اجيلك

قاللي عايزك قبل الفجر

وتكون اكراميتى ف ايدك

الطبيب بص ف بقي وقاللي

اكل ع الضرس ده ممنوع

ولوكان حتى مفيش غيره

ان شالله حتى تموت م الجوع

ومسك بايده الكلابة

وقعد يخلع في سناني

مسكت ايده بصعوبة

قبل ما يدخل ع الناب التاني

وخرجت ابكي على حالي

واصرخ بالصوت الحياني

والناس حواليا سامعاني

اه يا سناني ..اه ياني

شعر : محمد عبد القادر

5/6/2015

فيسبوك توتير جوجل + لينكدان بينتريست

شاعر غنائي من مواليد محافظة دمياط مركز الزرقا _ ميت الخولى عبد الله | الهاتف الجوال : 01067437079 | 01129354643 ويعمل أيضا مطور ومصمم مواقع وإسكريبتات

الكاتب : Unknown

مواضيع مهمة أيضا