ضلمه البيت ..... كلمات / محمد مفتاح
(ما أصعب رمضان بدون أمي)
_________________________________________________ضلمه البيت من غيرك ياأماه
ضلمه البيت
جه رمضان ياحبيبتي في بعدك
ولا حسيت
رمضان كان لي
لمه في حضنك
ده هيكون لي
مع مين بعدك
روحتي وخدتي
معاكي الفرحه
فاكرك ساعة الفجر بطرحه
ساعة المغرب تديلي بلحه
وتقولي أفطر لوصليت
لسه أنا فاكرك بدعاكي ليا
أول يومي في الفجريه
وتقولي يا ابني يخليك ليا
شالله ما تخيب لك أمنيه
كان كل منايا بيتحقق
كأن دعاكي كلام متصدق
طب مين بعدك
أنتي ياغاليه
يحسسني بلمة رمضان
أتمني تكوني في مكانه عاليه
وربي يصبر عالاحزان
في وجودك
كات تحلي اللمه
قربك نور
وفي بعدك ضلمه
ضلمه البيت من غيرك ياأماه
ضلمه البيت ولا قايد شمعه
مش باقي غير حزن ودمعه
وصورتك جوه اركان البيت
شوفتها من جوايا بكيت
خلتني لحضنك حنيت
وقولت حبيبتي
ضلمه البيت
0
التعليقات
