أسَكِّن فيها....... أهلى وِناسي
وكل جيراني...........فى الحارة
********
سألت معارفى... إيه الإجراءات؟
قالولى...... روح إشترى سيارة
وقدمها هدية.......لرئيس الحي
وفورا....حايوقع لك ع الإستمارة
********
وحايقولك هُوَّ........ ع التفاصيل
ويفَهِّمك....... الموضوع والعِبَارة
والقِسمة يعنى...حا تكون إزاى
بينك وبين..... مسئولى الإدارة
********
روحت دوغرى..... لرئيس الحى
وسلمته .........مفتاح السيارة
قاللى عليك بمهندس التنظيم
علشان بدونه... مفيش عمارة
********
وحا يرسم لك هو... الرسومات
وحا يحَصَّل مِنَّك........... أتعابُه
كفاية عليه.... مِيت ألف جنيه
تروح تحطها.......... ف حسابه
********
وحا تمضى معاه عقد مشاركة
و بموجب العقد... حناخد النص
يعنى إنت.... خمستاشر شقة
وإحنا حناخد .... أربعتاشر بس
********
وحانسيبك..... فى مقابل ذلك
تبنى المبنى بتاعك.... مخالف
و لا حَد .................يِمُر عليك
ولا حَد............... مننا شايف
*******
بس............ من باب الإحتياط
حا نعملك............... قرار إزالة
علشان نبقي..... فى السليم
ونبعد إحنا............ عن الرذالة
********
ولو وقعت الفاس.... فى الراس
والعمارة إتهدت...... ع السكان
حنجيبك إنت........... من قفاك
وحتصبح يابنى.... فى خبر كان
********
دى شروطنا..... عاجبك عاجبك
مش عاجبك..... إشرب م البحر
بس................ فى الحالة ديَّ
مفيش رخصة وحاتموت م القَهر
===============
شعر : محمد عبد القادر
التاريخ: 8/6/2015
0
التعليقات
